«Uzbekistan Airways» таътилдан сўнг Тошкентга қайтаётган талабалар учун қўшимча рейсларни йўлга қўйди

“Uzbekistan Airways” АЖ талабалар учун қулайлик яратиш мақсадида 7 январдан 9 январга қадар Урганч, Бухоро, Наманган, Қарши ва Нукусдан Тошкентга қўшимча қатновларни амалга оширишни режалаштирмоқда. 

Авиакомпания маълумотига кўра, 7 январь кунига Тошкент – Урганч – Тошкент ва Тошкент – Бухоро – Тошкент рейси режалаштирилган.

Бундан ташқари, 8 январь куни Тошкент – Наманган – Тошкент, Тошкент – Урганч – Тошкент (йўловчи сиғими кўп бўлган ҳаво кемаси турига алмаштирилди), Тошкент – Бухоро – Тошкент (йўловчи сиғими кўп бўлган ҳаво кемаси турига алмаштирилди) ва Тошкент – Нукус – Тошкент (йўловчи сиғими кўп бўлган ҳаво кемаси турига алмаштирилди) йўналиши бўйича қўшимча қатнов йўлга қўйилади.

Шунингдек, 9 январь куни Тошкент – Нукус – Тошкент, Тошкент – Бухоро – Тошкент, Тошкент – Қарши – Тошкент ва Тошкент – Урганч – Тошкент рейси амалга оширилади.

Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш, шунингдек,  парвоз вақтини ҳам билиб олиш мумкин экани айтилади.