АИ-80 маркали бензиннинг биржадаги нархи 6,3 фоизга арзонлашди

АИ-80 маркали автомобиль бензинининг биржадаги нархи литрга ўтказилганда маҳсулотнинг бир литри тахминан 5700 сўмни ташкил қилмоқда.

Фото: ТАСС

Ўзбекистон республика товар-хомашё биржасида 8 январь куни эрталабки сессияда ўтказилган биржа савдо натижаларига кўра АИ-80 маркали автомобиль бензинининг нархи маҳсулотнинг бир тоннаси учун 7 миллион 474,4 минг сўмни ташкил қилди. Бу аввалги кунга, яъни 7 январга нисбатан 6,3 фоизга пастдир.

Қайд этилишича, АИ-80 маркали автомобиль бензинининг биржадаги нархи литрга ўтказилганда маҳсулотнинг бир литри тахминан 5700 сўмни ташкил қилади.

Маълумот учун, АИ-80 маркали автомобиль бензинининг ўтган ҳафтадаги биржа савдоларидаги нархи 1 тоннаси учун 7 млн 964,7 сўмни ташкил қилган.