Доимий аҳоли сони энг кўп ҳудудлар маълум қилинди 

Қўмита маълумотларига кўра, 2022 йилнинг 1 январь ҳолатига кўра, республика ҳудудларининг доимий аҳолиси сони бўйича Самарқанд вилояти етакчилик қилмоқда – 4 031 299 киши.

Шунингдек, кейинги ўринлардан 3 896 393 киши истиқомат қилувчи Фарғона вилояти ва 3 408 313 киши яшовчи Қашқадарё вилояти жой олган.

Доимий аҳоли сони бўйича кўрсаткич қолган ҳудудларда қуйидагича кўриниш олди:

• Андижон вилояти – 3 253 501 киши;
• Тошкент вилояти – 2 941 620 киши;
• Наманган вилояти – 2 931 066 киши;
• Тошкент шаҳри – 2 860 511 киши;
• Сурхондарё вилояти – 2 743 196 киши;
• Бухоро вилояти – 1 976 866 киши;
• Қорақалпоғистон Р. – 1 948 496 киши;
• Хоразм вилояти – 1 924 167 киши;
• Жиззах вилояти – 1 443 380 киши;
• Навоий вилояти – 1 033 869 киши;
• Сирдарё вилояти – 878 599 киши.

Аввалроқ, 2021 йилда Ўзбекистонда аҳоли сони ҳар куни қарийб 2 минг кишига ошгани хабар берилганди.

Мамлакат аҳолиси 2021 йил давомида ҳар ойда ўртача 59,4 минг кишига кўпайган. 2021 йилнинг ҳар бир кунида доимий аҳоли сони ўртача 1,9 минг кишига ошган.