2021 yilda O‘zbekistonda aholi soni har kuni qariyb 2 ming kishiga oshgan

Qo‘mita xabariga ko‘ra, 2021 yilda doimiy aholi soni 712,4 ming kishiga oshgan. 

Qayd etilishicha, mamlakat aholisi 2021 yil davomida har oyda o‘rtacha 59,4 ming kishiga ko‘paygan.

2021 yilning har bir kunida doimiy aholi soni o‘rtacha 1,9 ming kishiga oshgan, deyiladi ma’lumotda.

Avvalroq, 2022 yilning 1 yanvar holatiga O‘zbekistonda doimiy aholi soni 35 271 276 kishini tashkil etayotgani xabar berilgandi.

Shahar joylarda – 17,9 million kishi, qishloq joylarda – 17,4 million kishi istiqomat qiladi.