Фото: ДХХ
Сурхондарё вилояти ИИБ ва ДХХ бошқармалари томонидан Денов туманида тезкор тадбир ўтказилган. Тадбирда туманнинг Водий маҳалласида жойлашган тез тиббий ёрдам муассасаси ходими фуқаро Ш.Б. хизмат мавқейидан фойдаланиб, ўзи ишлаётган жойга ишга киритиб қўйиш эвазига фуқаро Ж.Ш.дан 1300 долларни пора сифатида олаётган вақтда қўлга олинган.
Қайд этилишича, ҳолат юзасидан Ш.Б.га нисбатан Жиноят кодексининг 168-моддаси 1-қисми ва 28-211-моддаси 1-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
