Фарғонада Жанубий Кореяга ишга жўнатишни ваъда қилиб, пул талаб қилган фирибгар ушланди

У фуқаронинг ишончига кириб, 3 250 АҚШ доллари эвазига Жанубий Кореяга ишга жўнатишни ваъда қилган. Бу ҳақда вилоят ИИБ ахборот хизмати хабар бермоқда.

Қайд этилишича, Фарғона туманидан М.О. исмли аёл ИИБга мурожаат қилган. Унда 2020 йил ноябрь ойида А.Ш. исмли таниши унинг ишончига кириб, ўғлини Жанубий Корея Республикасига ишлаш учун юборишини айтиб, ишончига кирган ҳолда алдов йўли билан ундан жами 3 250 АҚШ долларини олиб, ваъдасини бажармаганлигини билдирган.

Мазкур ҳолат юзасидан Фарғона тумани ИИБ ҳузуридаги тергов бўлими томонидан Жиноят кодексининг 168-моддаси 2-қисми “а” банди билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни содир этганликда гумонланган А.Ш. исмли шахс аниқланиб, ҳозирда тергов ҳаракатлари давом эттирилмоқда.

Аввалроқ, Фарғонада прокурор 1000 доллар олаётганида қўлга тушганлиги хабар қилинган эди.