Нукуслик рус йигит: Қорақалпоқча гапираман. Қорақалпоғистон мен учун - Ватан

Шавкат Мирзиёевнинг Қорақалпоғистонга ташрифи давом этмоқда. Ташриф доирасидаги тадбирларнинг бирида Kun.uz мухбири рус миллатига мансуб ҳайдовчи билан суҳбатлашди. Фёдор Цапиковнинг айтишича, миллати рус бўлишига қарамай, қорақалпоқ тилида бемалол гаплашади.

"Шу ерда туғилдим, ўсдим. Шунинг учун қорақалпоқчани яхши биламан. Қорақалпоғистон мен учун Ватан! Ўзбекчага тушунаман. Аммо гапиришга қийналаман. Катта акам қорақалпоқчани билади. Опам унчалик билмайди. У мактабда ишлайди. Рус тилидан дарс беради. Қорақалпоқчани тушунади. Аммо гапиришга бироз қийналади" дейди, нукуслик ҳайдовчи йигит.