Тошкент метросида она-бола хонаси ва ҳожатхона ишга туширилади

Бугун, 23 феврал соат 15:00дан Тошкент метросининг “Чилонзор” метро бекатида она ва бола хонаси ва ҳожатхона ишга туширилади. Бу ҳақда Тошкент метрополитени матбуот хизмати раҳбари Миракбар Толипов Kun.uz’га маълум қилди.

Фото: Kun.uz

Маълум қилинишича, “Тошкент метрополитени фаолиятининг самарадорлигини ошириш чора-тадбирлари тўғрисида”ги президент қарори ижросини таъминлаш ҳамда йўловчиларга қулайлик яратиш мақсадида “Чилонзор” метро бекатида замонавий жиҳозланган она-бола хонаси ҳамда ҳожатхона ишга туширилмоқда.

Маълумот учун, ушбу янгилик тажриба тариқасида ҳозирча фақат “Чилонзор” метро бекатида жорий этилаётган бўлиб, кейинчалик бошқа бекатларда ҳам она-бола хонаси ва ҳожатхона қурилиши мумкин.