Боррел кун тартибида Украинани ЕИга қабул қилиш масаласи йўқлигини маълум қилди

Жозеп Боррелнинг сўзларига кўра, "Украинада ЕИга қўшилиши истиқболи бор, аммо ҳозир тажовузга қарши курашиш лозим".

Фото: Reuters

ЕИнинг ташқи ишлар ва хавфсизлик сиёсати бўйича олий вакили Жозеп Боррел Евроиттифоқ етакчилари кун тартибида Украинани ҳамжамиятга қабул қилиш масаласи йўқлигини айтди.

"Ҳозирги кун тартибида бу масала йўқ. Биз бундан кўра амалийроқ бўлган нарсаларга эътибор қаратишимиз керак", - деди у.

Боррелнинг қўшимча қилишича, "Украинада ЕИга қўшилиши истиқболи бор, аммо ҳозир тажовузга қарши курашиш лозим".

Аввалроқ Украина президенти Владимир Зеленский ЕИга мурожаат қилиб, мамлакатни зудлик билан иттифоққа қабул қилишни сўраганди.