Украинадаги уруш. Олтинчи кун суратлари

Урушнинг олтинчи кунига келиб Россия армияси Харьков ва Киевни артиллериядан ўққа тутишни кучайтирди. Украина томони тинч аҳоли орасида ўнлаб қурбонларни қайд этди. Россиялик ҳарбийлар Киевни ўраб олишда давом этмоқда, шаҳар кўчаларида баррикадалар қурилган ва мудофаага тайёргарлик кўрилмоқда. Владимир Зеленский Украинанинг Европа Иттифоқига «янги махсус тартиб» асосида «зудлик билан» қабул қилиниши бўйича ариза топширган, ЕИнинг саккиз мамлакати раҳбарлари Украинага номзод мамлакат мақоми беришга чақирган. Қуйидаги материалда урушнинг олтинчи кунидаги вазиятни ифода этувчи суратлар.

Сўнгги соатларнинг асосий воқеалари:

• Байден Америка қўшинлари Украинада жанг қилмаслигини, бироқ Европадаги НАТО иттифоқчиларини ҳимоя қилишини айтди;
• АҚШ ҳаво ҳудудини Россиядан келаётган самолётлар учун ёпди;
• ExxonMobil компанияси «Сахалин-1» лойиҳасидан чиқишни бошлади;
• Boeing Россия авиакомпанияларига техник хизмат кўрсатиш ва қўллаб-қувватлашни тўхтатди;
• Канада Дмитрий Медведев, Сергей Собянин, Александр Беглов ва бошқа бир қатор юқори мартабали россияликларга нисбатан санкциялар киритди;
• Мордовия раҳбари Артем Здунов Украинада вафот этган полковник Виктор Исайкин ҳақида маълум қилди;
• Ford Россиядаги фаолиятини тўхтатганини эълон қилди;
• 160 дан ортиқ Нобел мукофоти лауреати Украинага босқинни тўхтатиш талаби билан очиқ хат имзолади.