НАТО Украинадаги вазият яқин кунлар ичида ёмонлашиши кутилаётганини билдирди

Столтенберг НАТО низо Украина ташқарисига чиқмаслиги учун жавобгарлигини, шу билан бирга Россия билан уруш қилмаслигини таъкидлади.

Фото: AFP/Getty Images

Шимолий Атлантика альянси Украинадаги вазият ёмонлашишини кутмоқда ва Россияни зудлик билан қўшинларини Украинадан олиб чиқиб кетишга чақиради. Бу ҳақда НАТО бош котиби Йенс Столтенберг маълум қилди.

«Яқин икки кун ичида вазият янада ёмонлашади – ҳалок бўлганлар, жароҳатланганлар, вайроналар кўпаяди», — деди у.

У альянс низо Украина ташқарисига чиқмаслиги учун жавобгарлигини, шу билан бирга Россия билан уруш қилмаслигини таъкидлади.

Столтенберг шунингдек, Москвани Украина билан музокара ўтказишга чақирди.