Россия ҳукумати мамлакатга дўст эмас деб ҳисобланувчи давлатлар рўйхатини тасдиқлади

Россия ҳукумати Россияга, унинг компаниялари ва фуқароларига нисбатан нодўстона ҳаракатларни амалга оширган давлатлар рўйхатини тасдиқлади. 

Рўйхатга АҚШ ва Канада, Евроиттифоқ давлатлари, Буюк Британия (шунингдек, Жерси, Ангилья, Британия Виржин ороллари, Гибралтар), Украина, Черногория, Швейцария, Албания, Андорра, Исландия, Лихтенштейн, Монако, Норвегия, Сан-Марино, Шимолий Македония, Япония, Жанубий Корея, Австралия, Микронезия, Янги Зеландия, Сингапур ва Тайван киритилди.

Бу мамлакат ва ҳудудлар Россияга қарши санкциялар жорий этган ёки эълон қилинган санкцияларга қўшилган. 

Россия фуқаролари ва компаниялари, мамлакатнинг ўзи ва унинг регионлари рўйхатдаги мамлакатлар кредиторлари олдидаги қарзларини рублда тўлашлари мумкин.

Қайд этилишича, Россия компанияларининг дўст бўлмаган давлатлар фирмалари билан тузиладиган барча шартномалари ҳукумат комиссияси томонидан маъқулланади.