Буюк Британия туристлар учун коронавирус чекловларини бекор қилди

18 мартдан бошлаб коронавирусга қарши эмланмаган сайёҳлар парвоздан аввал ва мамлакатга келганидан сўнг ПЗР тест топширишлари талаб қилинмайди.

Фото: Depositphotos

Буюк Британия ҳукумати хорижлик туристлар учун мамлакатга киришда амалдаги коронавирус чекловларини бекор қилди. Бу ҳақда Россия туроператорлар ассоциацияси маълум қилди.

Янги қоидаларга кўра, 18 мартдан бошлаб коронавирусга қарши эмланмаган сайёҳлар парвоздан аввал ва мамлакатга келганидан сўнг ПЗР тест топширишлари талаб қилинмайди.

Бундан ташқари, чегарани кесиб ўтиш учун талаб қилинадиган йўловчиларни қидириш бўйича мажбурий шакл (PFL) ҳам бекор қилинди.

Мамлакатда чекловлардан фақат жамоат транспорти ва жамоат жойларида ниқоб тақиш талаби сақлаб қолинди.