Японияда кучли зилзила содир бўлди

Зилзила Япониянинг шимолий ва шимоли-шарқий ҳудудларида сезилган.

Фото: AP

Япониянинг Фукусима префектураси атрофида магнитудаси 7,3 баллга тенг зилзила қайд этилди. Зилзила ўчоғи 63,1 километр чуқурликда жойлашган.

Ер силкиниши Япониянинг шимолий ва шимоли-шарқий ҳудудларида сезилган.

Мамлакатда цунами хавфи эълон қилинган.

Ҳозирча қурбонлар ва вайронгарчиликлар ҳақида маълумот келиб тушмаган.

Японияда 2011 йил 11 март куни магнитудаси 9,1 баллга тенг зилзила содир бўлганди. Ўшанда зилзила ва у келтириб чиқарган цунами оқибатида 15,8 мингдан ортиқ киши ҳалок бўлган, юз минглаб уйлар вайрон бўлган.