Афғонистон вақтинчалик ҳукуматига бош вазир тайинланди

Абдул Ғани Биродар Муҳаммад Ҳасан Охунд ўрнига вақтинчалик ҳукумат раҳбари этиб тайинланди.

Фото: Sefa Karacan/Anadolu Agency/Getty Images

"Толибон" ҳаракати Абдул Ғани Биродарни Афғонистон вақтинчалик ҳукуматининг бош вазири этиб тайинлади. Бу ҳақда Sky News Arabia телеканали хабар берди.

Хабарда айтилишича, ушбу қарор вақтинчалик ҳукумат аъзоларининг икки кунлик учрашувидан сўнг қабул қилинган. Учрашув якунига кўра, Биродарни Муҳаммад Ҳасан Охунд ўрнига вақтинчалик ҳукумат раҳбари этиб тайинлашга қарор қилинган.

Бунга қадар Абдул Ғани Биродар Охунднинг ўринбосари бўлган.

Ички ишлар вазири Сирожиддин Ҳаққоний янги бош вазирга ўринбосар этиб тайинланган.