Канада ЕИга нефт экспортини кўпайтиради

Канада нефт етказиб бериш ҳажми бўйича дунёда тўртинчи ўринда туради.

Фото: Picture Alliance

Канада Евроиттифоқ Россия энергияси импортидан тезроқ воз кечиши учун нефт экспортини 5 фоизга кўпайтиради. Бу ҳақда Канада табиий ресурслар вазири Жонатан Уилкинсон маълум қилди.

Унинг сўзларига кўра, йил охирига қадар "Канада саноати нефт ва газ экспортини кунига 300 минг баррелга ошириш имкониятига эга".

Қайд этилишича, Канада нефт етказиб бериш ҳажми бўйича дунёда тўртинчи ўринда туради.

Шу билан бирга, Еврокомиссия раиси Урсула фон дер Ляйен Евроиттифоқ Вашингтон билан энергетик ҳамкорликка тайёрлигини айтди.

Ҳозирда ЕИ 40 фоиз газни Россиядан импорт қилади.

23 март куни Россия президенти Владимир Путин “дўст бўлмаган давлатлар”га газ фақат рублда сотилишини эълон қилганди.