Россия ва Ҳиндистон ўзаро ҳисоб-китоблар учун алоҳида тўлов тизими ишлаб чиқди

Янги тизим бир ҳафта ичида ишга тушиши айтилмоқда.

Фото: Bloomberg

Россиянинг ВЭБ.РФ банки ва Ҳиндистон захира банки ўзаро ҳисоб-китобларда халқаро пул ўтказмалари учун алоҳида тизим ишлаб чиқди. Бу ҳақда Economic Times нашри хабар берди.

Янги тизим бир ҳафта ичида ишга тушиши, бу эса “импорт ёки экспорт келишувларини рубл ёки рупияда амалга ошириш имкониятини бериши” айтилмоқда.

Нашрнинг ёзишича, Ҳиндистон Россияга транзакция платформаларининг бир нечта вариантларини таклиф этган. Ҳиндистон захира банки ва ВЭБ.РФ бош офисларида якуний вариант ўрнатилади.

Аввалроқ санкциялар доирасида Россия банклари SWIFT халқаро тўлов тизимидан узиб қўйилганди.

#Россия #Ҳиндистон