Украина ҳарбий ҳаракатлар бошланганидан сўнг бир ойда қанча маблағ сарфлагани маълум қилинди
Украина Молия вазирлиги бир ой давомида ҳарбий ҳаракатларга сарфланган харажатлар миқдорини, тахминан, 10 млрд долларга баҳолади.
Владимир Зеленский раҳбарлигида ўтказилган йиғилишда Украина иқтисодиётининг ҳолати ҳамда унинг яқин истиқболдаги ривожи муҳокама қилинди. Украина президенти офиси матбуот хизмати хабар беришича, молия вазирлиги Украина ҳарбий ҳаракатлар бошланганидан буён бир ойда 10 млрд долларга яқин маблағ сарфлаганини маълум қилган.
Қайд этилишича, йиғилишда Украина иқтисодиётининг ҳолати ҳамда унинг яқин истиқболдаги ривожи муҳокама қилинди.
«Йиғилишда молиявий сарф-харажатларнинг манбалари, хусусан, солиқ тушумлари ва Украинага халқаро ҳамкорлар томонидан берилаётган ёрдам муҳокама қилинди. Апрель ойидан солиқнинг соддалаштирилган тизимига ўтиш истиқболлари таҳлил этилди», – дейилади хабарда.
Бундан ташқари, харажатларни молиялаштириш манбалари кўриб чиқилган.
«Шунингдек, йиғилишда экин экиш кампаниясини ўтказиш, хусусан, аграр соҳани ёнилғи билан таъминлаш масаласи муҳокама қилинди. Украина энергетика инфратузилмасининг Россия қўшинлари томонидан бомбардимон қилинишини ҳимоялаш йўллари кўриб чиқилди», дейилади хабарда.
Мавзуга оид
08:10 / 30.09.2024
Украина Россиядаги ракета арсеналига муваффақиятли зарба берганини эълон қилди
18:01 / 29.09.2024
Фронтдаги вазият: Россия армияси Украинанинг муҳим қалъаси — Вуҳледарни деярли тўлиқ қуршаб олди
13:31 / 29.09.2024
Путин Россиянинг ядро доктринасини ўзгартирмоқчи. Бу амалда нимани англатади?
22:10 / 28.09.2024