«Uzbekistan Airways» Термиз ва Санкт-Петербург ўртасида мунтазам қатновларни тикламоқда

2022 йил 5 майдан бошлаб «Uzbekistan Airways» Термиз – Санкт-Петербург – Термиз халқаро йўналишидаги мунтазам авиақатновларни тикламоқда.

Фото: Kun.uz

Авиакомпания хабарига кўра, парвозлар пайшанба кунлари амалга оширилади.

Термиздан учиш - 08:55 (Тошкент вақти билан), Санкт-Петербургга етиб бориш - 12:20 (Москва вақти билан), Санкт-Петербургдан учиш - 13:50 (Москва вақти билан), Термизга етиб келиш - 21:00 да (Тошкент вақти билан).

Термиз – Санкт-Петербург йўналиши бўйича авиачипта нархи 1 961 814 сўмдан (багажсиз) ва 2 160 354 сўмдан (багаж билан), Термиз – Санкт-Петербург – Термиз йўналиши бўйича эса 3 698 660 сўмдан (багажсиз) ва 4 095 738 сўмдан (багаж билан) бошланади.