Евродипломатия раҳбари Украинадаги низо ҳарбий йўл билан ҳал қилинишини айтди

ЕИнинг ташқи ишлар ва хавфсизлик сиёсати бўйича олий вакили Жозеп Боррел Киевга ташрифи давомида Украинадаги низо ҳарбий йўл билан ҳал қилиниши кераклигини айтди.

Фото: Josep Borrell Fontelles

"Бу урушни жанг майдонида ютиш керак", - деб ёзди у Twitter саҳифасида.

Боррел, шунингдек, Украина қурол сотиб олиши учун қўшимча 500 млн евро ажратилганини эслатиб ўтди.

У Россияга қарши янги санкциялар киритилишини ва бу мавзу ЕИ ташқи ишлар вазирларининг 11 апрел куни бўлиб ўтадиган учрашувида муҳокама қилинишини билдирди.

Жозеп Боррел Украинага Еврокомиссия раиси Урсула фон дер Ляйен бошчилигидаги делегация таркибида келганди.