Имрон Хон тарафдорлари Исломобод, Карачи, Лоҳур, Пешовар, Мўлтон ва бошқа қатор шаҳарларда намойишларга чиқди.
Покистоннинг қатор шаҳарларида парламентнинг ишончсизлик вотуми асосида бош вазир лавозимидан четлаштирилган Имрон Хонни қўллаб-қувватлаб намойишлар ўтказилди.
Якшанба куни Покистон парламенти бош вазирга нисбатан ишончсизлик билдирганди.
Исломобод, Карачи, Лоҳур, Пешовар, Мўлтон ва бошқа қатор шаҳарларда Имрон Хон тарафдорлари намойишларга чиқди.
Намойишчилар Хонни қўллаб-қувватловчи шиорларни айтди ва бош вазирнинг лавозимидан кетишини маъқуллаган партияларга нисбатан норозилик билдирди.
Имрон Хоннинг ўзи Twitter саҳифасида тарафдорларига миннатдорлик билдирди ва мамлакатдаги сиёсий инқирозда АҚШни айблади.
Хон Покистон тарихида парламент ишончсизлик билдириши ортидан ҳокимиятдан четлатилган илк бош вазир бўлди.