Қўшимча функционаллар
-
Тунги кўриниш
Пентагон: Украинага Switchblade камикадзе-дронлари етказиб берилди
Маълум қилинишича, дастлабки 100та дроннинг бир қисми Украинага етиб борди.
Пентагон матбуот котиби Жон Кирби АҚШ Украинага Switchblade камикадзе-дронларини етказиб берганини маълум қилди.
«Дастлабки 100та дрон жўнатилди. Уларнинг бир қисми аллақачон Украинага етиб борди. Қолганларини етказиб бериш ҳам кўп вақтни олмайди», — деди Кирби.
У АҚШ президенти Жо Байден ҳукумат Украинага ўзини ҳимоя қилиши учун ёрдам бериш йўлларини қидиришда давом этишини айтганини эслатиб ўтди.
«Шу боис келгусида ҳам бундай тизимлар етказилишини истисно қилмайман», — деди Кирби.
Аввалроқ Байден АҚШ Украинага қўшимча 800 млн доллар ажратилиши ва 800 дона Stinger зенит-ракета мажмуалари ҳамда 2 минг дона Javelin танкка қарши тизимларини етказиб беришини айтганди.
