02:33 / 17.03.2022
15247
АҚШ Украинага яна 1 миллиард долларлик қурол юборишини эълон қилди
Фото: AFP

АҚШ президенти Жо Байден Украинага юбориладиган яна 1 миллиард долларлик ҳарбий ёрдам пакетини тасдиқлади. Оқ уй расмий сайти ёрдам қандай кўринишда бўлиши ҳақида маълумот берди.

АҚШ Украинага 800 та ракета ҳужумига қарши «Стрингер», 2000 та танк ҳужумига қарши «Жавелин», 1000 та танк ҳужумига қарши гранатомёт, 6000 та танк ҳужумига қарши бир марталик АТ-4 гранатомёти, 100 та учувчисиз дрон, 7000 та турли хил ўқотар қурол, 20 миллион дона ўқдори, 25 мингта зирхли нимча ва 25 мингта шлем юборади.

АҚШ юбораётган ушбу партия ёрдам миқдори 1 миллиард долларни ташкил этади. Олдинроқ АҚШ Украинага 13,6 миллиард доллар миқдорида молиявий ёрдам кўрсатишини эълон қилганди.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top