Доимий аҳоли сони энг кўп ҳудудлар маълум қилинди 

Қўмита маълумотларига кўра, 2022 йилнинг 1 апрель ҳолатига кўра, республика ҳудудларининг доимий аҳолиси сони бўйича Самарқанд вилояти етакчилик қилмоқда – 4,04 млн киши.

Шунингдек, кейинги ўринлардан 3,91 млн киши истиқомат қилувчи Фарғона вилояти ва 3,42 млн киши яшовчи Қашқадарё вилояти жой олган.

Доимий аҳоли сони бўйича кўрсаткич қолган ҳудудларда қуйидагича кўриниш олди:

• Андижон вилояти – 3,26 млн киши;
• Тошкент вилояти – 2,95 млн киши;
• Наманган вилояти – 2,94 млн киши;
• Тошкент шаҳри – 2,87 млн киши;
• Сурхондарё вилояти – 2,75 млн киши;
• Бухоро вилояти – 1,98 млн киши;
• Қорақалпоғистон Р. – 1,95 млн киши;
• Хоразм вилояти – 1,93 млн киши;
• Жиззах вилояти – 1,45 млн киши;
• Навоий вилояти – 1,03 млн киши;
• Сирдарё вилояти – 883,1 минг киши.

Бундан олдин Ўзбекистонда доимий аҳоли сони ҳар куни ўртача 1,8 минг кишига ошаётгани хабар берилганди.