Муфтий Нуриддин Холиқназаров Туркий давлатлар ташкилоти директори билан учрашди
Кеча, 16 апрель куни Ўзбекистон мусулмонлари идораси раиси, муфтий Нуриддин Холиқназаров Истанбулда Туркий давлатлар ташкилоти директори Бағдод Амреев билан учрашди.
Мусулмонлар идорасининг хабар беришича, мулоқотда томонлар ўзаро алоқаларни янада кенгайтириш, келгусида амалга ошириши лозим бўлган вазифалар ва мўмин-мусулмонлар бирдамлигини янада мустаҳкамлаш бўйича фикр алмашган.
«Хусусан, бугун инсоният турли муаммоларга дуч келаётган бир пайтда Ислом уламоларининг ҳамжиҳатлиги ва мусулмон умматининг бирлигини таъминлаш ҳар қачонгидан ҳам муҳим аҳамият касб этаётгани, шу маънода ўтказилган тарихий йиғилишнинг амалий аҳамияти жуда юқори экани қайд этилди», - дейилади хабарда.
Аввалроқ, муфтий Нуриддин Холиқназаров Туркия президенти Ражаб Тоййиб Эрдўған ва Туркий давлатлар муфтийлари билан «Аё-София Фотиҳ» мадрасаси очилишида қатнашгани хабар берилган эди. Шунингдек, муфтий Истанбулдаги йиғилишда ўзаро ҳамкорликни мустаҳкамлаш учун Туркий давлатлар диний идоралари аро Фатво ҳайъатини ташкил этишни таклиф қилганди.
Мавзуга оид
13:56 / 02.07.2024
“Болаларимизни илмга, маърифатга ўргатишимиз керак” – муфтий Нуриддин Холиқназар
22:23 / 23.04.2024
Муфтий Нуриддин Холиқназаров Ислом олами уюшмаси Олий Кенгашига қабул қилинди
16:05 / 21.04.2024
Муфтий Нуриддин Холиқназаров Исломий фиқҳ академияси аъзолигига қабул қилинди
12:44 / 14.03.2024