2021 йилда Австрия нефт импортининг 7,8 фоизи ёки 596 минг тоннаси Россия улушига тўғри келган.
Фото: Global Look Press
Австрия Россия нефтидан тўлиқ воз кечди, деб хабар берди Kurier газетаси OMV Group вакилига таяниб.
"Россиядан нефт сотиб олиш ҳажми доим жуда оз бўлган, уруш бошланганидан сўнг бошқа бозордан нефт сотиб ола бошладик", - дея Австрия компанияси вакилининг сўзларидан иқтибос келтирган газета.
Австрия статистика бошқармаси ва нефт саноати ассоциацияси маълумотларига кўра, 2021 йилда нефт импортининг 7,8 фоизи ёки 596 минг тоннаси Россия улушига тўғри келган.
Австрия нефтнинг асосий қисмини Қозоғистондан олади – барча импортнинг 38,9 фоизи. Кейинги ўринларда Ливия (22,1 фоиз) ва Ироқ (20,7 фоиз) туради.
