Ўзбекистон | 08:24 / 22.04.2022
5923
2 дақиқада ўқилади
Қуйи бўғиндаги сув хўжалиги хизматларининг вазифалари белгиланди
Вазирлар Маҳкамасининг “Қуйи бўғинда сув ресурсларини бошқариш самарадорлигини ошириш бўйича қўшимча чора-тадбирлар тўғрисида”ги қарори қабул қилинди.
Президент қарори билан қуйи бўғинда сув ресурсларини бошқаришнинг қуйидаги устувор йўналишлари белгиланган:
- қишлоқ хўжалиги маҳсулоти ишлаб чиқарувчиларни ва аҳоли томорқаларини сув ресурслари билан ишончли таъминлаш;
- ирригация тизимлари ва суғориш тармоқларини ҳамда улардаги гидротехника иншоотларини доимий техник соз ҳолатда ушлаб туриш;
- йирик қишлоқ хўжалиги маҳсулоти ишлаб чиқарувчиларни ўз ҳудудида сувни бошқариш ва тақсимлаш ишларига жалб қилиш;
- иқтисодиёт тармоқларини сув билан таъминлашга оид давлат функцияларини хусусий секторга ўтказиш бўйича давлат-хусусий шериклик тамойилларини кенг жорий этиш;
- сувнинг ҳисоби ва ҳисоботини автоматлаштирилган тизимлар орқали юритиш.
Туман ирригация бўлимлари таркибида белгиланган тартибда сув истеъмолчиларига сув етказиб бериш, хўжаликлараро суғориш тармоқларидан фойдаланиш, уларни таъмирлаш-тиклаш ишларини ташкил қилиш бўйича сув хўжалигининг махсус хизмати ташкил этилади.
Қарор билан қуйидагилар тасдиқланди:
- Сув хўжалиги вазирлигининг махсус хизмати томонидан сув етказиб бериш ва кўрсатилган бошқа сув хўжалиги хизматлари учун ҳақ тўлаш ҳамда ушбу хизматларни кўрсатишдан тушадиган маблағлардан фойдаланиш тартиби тўғрисида низом;
- давлат сув хўжалиги объектларини давлат-хусусий шериклик шартлари асосида бошқарувга оладиган кластерлар рўйхати;
- давлат-хусусий шериклик шартлари асосида хусусий сектор бошқарувига бериладиган давлат сув хўжалиги объектларининг туманлар кесимидаги асосий кўрсаткичлари;
- давлат сув хўжалиги объектларини давлат-хусусий шериклик шартлари асосида хусусий шерикка бериш ҳамда хусусий шерикнинг инвестиция салоҳиятини ўрганиш бўйича ишчи гуруҳ таркиби.
Мавзуга оид
12:44 / 28.09.2024
Ҳар 100 та сўз учун ярим литр сув. Сунъий интеллект чатботлари жиддий экологик муаммоларни юзага келтирадими?
09:20 / 09.09.2024
Сув ҳавзаларида моторли транспорт воситалари ҳаракатига рухсат берилади
12:22 / 06.09.2024
Португалия сув ресурслари барқарорлигига сармоя киритишга чақирмоқда
09:02 / 03.09.2024