Президент сайловида Эммануэл Макронга сайловчиларнинг 58,55 фоизи овоз берган.
Фото: AFP
Париждаги Елисей саройида Франция президентлигига иккинчи муддатга сайланган Эммануэл Макроннинг инаугурация маросими бўлиб ўтди.
Макрон расман беш йил муддат президентликка киришди. Маросим вақтида мамлакат конституцион кенгаши раиси Лоран Фабиус яна бир бор президент сайлови натижаларини эълон қилди.
France 24 журналистларининг фикрича, иккинчи марта президентликка сайланган Макрон қатор муаммоларга дуч келади. У мамлакатдаги инфляция муаммосини ҳал қилиши лозим. Шунингдек, пенсия ислоҳоти масаласини бартараф қилиши керак.
25 апрел куни Франция президенти сайлови иккинчи босқичи натижалари маълум бўлди. Макронга сайловчиларнинг 58,55 фоизи овоз берган.
