Столтенберг Россияни Украинадаги қўшинларини олиб чиқиб кетишга чақирди

Йенс Столтенбергнинг сўзларига кўра, НАТО Украина тарафида қатъий туради ва мамлакатга ўзини ҳимоя қилиш учун ёрдам беришда давом этади.

Фото: Reuters

НАТО бош котиби Йенс Столтенберг Киевга ёрдам беришга тайёрлигини таъкидлади ва Россияни Украинадаги жанговар ҳаракатларни тўхтатишга чақирди.

“Президент Путинни яна бир бор зудлик билан урушни тўхтатишга, Украинадан ўз қўшинларини олиб чиқиб кетишга ва тинчлик музокараларини бошлашга чақираман”, - деди у Die Welt нашрига берган интервюсида.

Унинг сўзларига кўра, НАТО Украина тарафида қатъий туради ва мамлакатга ўзини ҳимоя қилиш учун ёрдам беришда давом этади.

Столтенберг "илгари Москва Ғарб ҳақида нотўғри маълумот тарқатиш ва НАТОни танқид қилиш учун мунтазам равишда 9 май кунидан фойдаланиб келган”ини таъкидлади.

20 апрел куни Россия президенти матбуот котиби Дмитрий Песков Москва Киевга келишув тўғрисидаги ҳужжат лойиҳасини бергани ва жавоб кутаётганини айтганди.