Юзига бўёқ чапланган Россия элчиси ва Харков атрофида қолган рус аскарлари. Уруш суратлари

Урушнинг 75-куни ўтди. Россия Иккинчи жаҳон урушидаги ғалабани кенг нишонлади — Қизил майдонда парад ўтказилди, Владимир Путин бутун нутқини Украинага босқинни оқлашга бағишлади. Бутун мамлакат бўйлаб «боғча болалари парадлари»ва болалар иштирокида турли акциялар ўтказилди. «Ўлмас полк» маршларида Украинадаги урушда ҳалок бўлган аскарларнинг қариндошлари ҳам иштирок этди. Украина ЕИ аъзолигига номзод мақомини олиш учун сўровнинг иккинчи қисмини топширди. Одесса шаҳри ва Одесса области россиялик ҳарбийлар томонидан ўққа тутилиши давом этмоқда.

Россиянинг Польшадаги элчиси Сергей Андреев Варшавадаги қабристонга Қизил армия аскарлари учун ҳурмат бажо келтириш учун келганида Украинадаги урушга қарши бўлган бир гуруҳ фаоллар унинг юзига қизил бўёқ сепиб юборишди.
AP Photo/Maciek Luczniewski

Украинада уруш. Сўнгги соатлардаги асосий маълумотлар

Украина бош штаби маълумотига кўра, Изюм атрофидаги жангларда танаффус юзага келган. Шу билан бирга Северодонецкдан шимол ва жанубдаги ҳудудлар учун жанглар давом этмоқда: россияликлар мудофаани ёриб ўтиш ва кейин Лиман ҳамда Северодонецкни эгаллаш учун ҳаракат қилмоқда. Жануброқда, Донецкка яқин ҳудудларда ҳам ҳарбий ҳаракатлар олиб борилмоқда.
АҚШ Конгрессидаги Демократик партия вакиллари Украинага 40 миллиард долларлик ёрдам пакети бўйича келишиб олишди, бу масала яқин кунларда овозга қўйилиши мумкин.
Япония россияликларга қарши санкциялар рўйхатини кенгайтирди, унга яна 70 компания ва 130 дан ортиқ киши, жумладан бош вазир Михаил Мишустин, «Алмаз-Антей» концерни ва «Тактическое ракетное вооружение» корпорацияси ҳам қўшилган.
Украина армиясининг «Жануб» оператив қўмондонлиги 9 май куни Одессага, хусусан савдо маркази ва кенг истеъмол моллари сақланадиган омборхона ракета зарбалари келиб тушиши оқибатида бир киши ҳалок бўлиб, беш киши яралангани тўғрисида хабар берди.
Россия Молия вазирлиги 2022 йилда мамлакат ялпи ички маҳсулоти 12 фоизга қисқаришини кутмоқда, бу 1994 йилдан бери энг ёмон кўрсаткич. Bloomberg хабарига кўра, бу ҳақда Молия вазирлигининг ички прогнозида айтилади. Агар прогноз амалга ошса, агентлик манбаси таъкидлашича, бу Россия иқтисодиётининг сўнгги ўн йилдаги ўсишини йўққа чиқаради.

Қуйида 9 май куни Украинанинг турли ҳудудларида олинган суратлар:

Мариупол