Боррел Евроиттифоқ Украинада қурол ва ҳарбий техника тугаб қолишига йўл қўймаслигини айтди

Жозеп Боррелнинг сўзларига кўра, ЕИ мамлакатлари Украинани қурол-яроғ билан тўхтовсиз таъминлашда давом этиш учун етарлича ресурсларга эга.

Фото: Reuters

Евроиттифоқ Украинада қурол ва ҳарбий техника тугаб қолишига йўл қўймайди. Бу ҳақда ЕИ дипломатияси раҳбари Жозеп Боррел маълум қилди.

"Уруш ҳозир хавфли босқичда. Биз Украинада қурол ва ҳарбий техника тугаб қолишига йўл қўя олмаймиз", - деди у.

Боррелнинг қўшимча қилишича, ЕИ мамлакатлари Украинани қурол-яроғ билан тўхтовсиз таъминлашда давом этиш учун етарлича ресурсларга эга.

"Бизнинг маслаҳатчилар миссиямиз Киевга қайтди. У Украина ҳукуматига чегараларни назорат қилиш ва ҳарбий жиноятларни тергов қилиш бўйича ёрдам беради", - деди у.