Қайд этилишича, Афғонистон импортнинг 30 фоиздан ортиғини Термиздаги ўзбек транспорт-логистика ҳаби орқали олади.
Фото: Maxar Technologies/Handout via Reuters
Ўзбекистонлик мутахассислар Афғонистоннинг Мозори Шариф шаҳридаги аэропортни тиклаш ишларии якунига етказмоқда. Бу ҳақда Ўзбекистон ТИВ ҳузуридаги халқаро муносабатлар ахборот-таҳлилий маркази директори Дониёр Қурбонов маълум қилди, деб хабар берди ТАСС.
"Мутахассисларимиз Мозори Шарифдаги аэропортни тиклаш ишларини якунламоқда", - деди у "Валдай" халқаро дискуссия клубининг II Марказий Осиё конференциясида қилган чиқишида.
Қурбоновнинг қайд этишича, Тошкент Марказий ва Жанубий Осиё ўртасида кўприк бўлган Афғонистонни тиклаш учун кўплаб ишларни амалга оширмоқда.
"Афғонистон импортнинг 30 фоиздан ортиғини Термиздаги ўзбек транспорт-логистика ҳаби орқали олади. Ўзбекистон Кобулга электр энергияси етказиб беради", - деди у.
