Қўшимча функционаллар
-
Тунги кўриниш
ЕИ парламенти Россия раҳбариятини Украинага ҳужум қилгани учун жавобгарликка тортишга чақирди
Европа адлия масалалари агентлиги Россиянинг Украинага қарши уруши давомида содир этилган ҳарбий жиноятлар бўйича суриштирув ўтказишга ёрдам беради.
Фото: Reuters
Европарламент Россия ва унинг иттифоқчиларининг ҳарбий ва сиёсий раҳбариятини Украинага ҳужум қилгани учун махсус трибунал олдида жавобгарликка тортишга чақирди. Депутатлар бу борада тегишли резолюцияни қабул қилди, деб хабар берди DW.
Ҳужжатда Россиянинг Украинага ҳужумини тергов қилиш учун махсус халқаро суд ташкил этиш кўзда тутилган.
Бундан ташқари, Европарламент депутатлари ҳарбий жиноятлар, инсониятга қарши жиноятлар ҳамда геноцидни таъқиб қилиш учун барча зарур чораларни кўришга чақирмоқда. Қайд этилишича, ЕИ далиллар йўқ қилинмасдан туриб барча ресурсларни тақдим этиши ва зудлик билан ҳаракат қилиши зарур.
Европарламент шу мақсадда Европа адлия масалалари агентлигининг мандатларини кенгайтиришга розилик берди. Агентлик Россиянинг Украинага қарши уруши давомида содир этилган ҳарбий жиноятлар бўйича суриштирув ўтказишга ёрдам беради.
"Россия Федерацияси 2022 йил 24 февралда Украинага қарши ҳарбий тажовуз бошлади. Украинадаги ҳозирги жанговар ҳаракатлар давомида инсониятга қарши ва ҳарбий жиноятлар содир этилган ва этилмоқда деб ҳисоблаш учун етарлича асослар бор", - дейилади резолюция лойиҳасида.
Россия-Украина уруши
Мавзуга оид
22:10
Украина разведкаси Москва вилоятида Россия армияси полковниги ўлдирилганини маълум қилди
20:45
Россияда мактаб директори ота-оналарга мигрантлар туфайли ўзбек тилини ўрганишни таклиф қилди
20:30
«Азимут» авиакомпанияси Россиядан Ўзбекистонга рейс очишни режалаштирмоқда
18:54