Футбол ва мини-футбол бўйича ДХХ раиси кубоги Тошкент шаҳар босқичига қуръа ташланди 

Тошкент шаҳар саралашининг дастлабки босқичларини муваффақиятли якунлаган 12 тадан маҳалланинг футбол ва мини-футбол жамоалари Тошкент шаҳар чемпионлиги учун курашни бошлаш арафасида. Кеча улар 2-босқичдаги рақибларини билиб олишди.

Сўнгги йилларда анъанавий равишда ўтказилаётган ушбу мусобақа ўтган йилда 60 мингдан зиёд ёшларни ўз атрофида бирлаштиришга эришганди. Турнирда иштирокчилар 3 босқичда бош соврин учун кураш олиб боряпти.

I-босқич туман саралаш мусобақалари 2022 йилнинг апрель-май ойларида ўтказилди, II-босқич – Қорақалпоғистон Республикаси, Тошкент шаҳри ва вилоятлар бўйича саралаш мусобақалари июнь-июль ойларида, III-босқич – республика бўйича финал мусобақалари август ойида ўтказилади.

Ўтган йилги мусобақада Қашқадарё вилояти, Қамаши тумани, "Самарқанд" МФЙ жамоаси ғолибликни қўлга киритганди.