Қўшимча функционаллар
-
Тунги кўриниш
Ўзбекистонда 292 минг гектар ер майдонида чигирткалар тарқалгани аниқланди
Ўзбекистоннинг 292,6 минг гектар майдонида чигирткалар тарқалгани аниқланди. Бу ҳақда АОКАда ўтказилган брифингда Ўсимликлар карантини ва ҳимояси агентлиги ахборот хизмати раҳбари Сабина Садинова маълум қилди.
Фото: Wikipedia
Қайд этилишича, Ўзбекистонда 200 дан ортиқ чигиртка тури мавжуд. 2022 йилда республика бўйича зарарли чигирткалар тарқалиши мумкин бўлган 580,3 минг гектардан ортиқ майдонда кимёвий ишлов ўтказилиши режалаштирилган.
Бугунги кунгача мамлакат ҳудудида 292,6 минг гектар майдонда чигирткалар тарқалганлиги аниқланган. 284,0 минг гектар майдонда кимёвий ишловлар ўтказилган.
Билдирилишича, шу пайтга қадар Қашқадарё, Сурхондарё, Жиззах, Қорақалпоғистон Республикаси, Самарқанд, Навоий, Сирдарё, Бухоро, Андижон, Хоразм, Наманган, Фарғона вилоятлари ҳудудида кимёвий ишловлар ўтказилди.
Бундан олдин Қашқадарёнинг айрим ҳудудларида далаларни чигиртка босгани айтилганди.
Чигирткалар маҳаллий ва Марокаш турига оид бўлиб, маҳаллий чигиртка экинларга хавф солмайди. Марокаш чигирткасига қарши мавсумда уйғунлашган ҳимоя чора-тадбирлари ўтказиб келинади.
Мавзуга оид
11:09 / 08.11.2024
Андижонда коттежлар қуриш учун ер ҳужжатини расмийлаштириб бериш эвазига 230 минг доллар талаб қилган шахс ушланди
10:19 / 08.11.2024
“Таниш-билиш ўтмайди” – Кадастр агентлиги директори ерга эгалик ҳуқуқини олишда фирибгарларга алданмасликка чақирди
16:46 / 04.11.2024
Ўзбекистонда 55 минг гектар майдонга зараркунанда чигиртка тухум қўйгани аниқланди
20:28 / 01.11.2024