12та олийгоҳда илк марта масофавий таълимга қабул бўлади. Таълимнинг бу шакли учун иқтисодиёт, менежмент, бухгалтерия, компютер технологиялари ва юриспруденция йўналишлари танлаб олинган.
Фото: Kun.uz
2022/23 ўқув йилида давлат олийгоҳларига бакалавриатнинг кундузги, кечки, сиртқи ва масофавий таълим шакллари, шунингдек, магистратурага давлат буюртмаси асосида ўқишга қабул қилиш параметрларининг ОТМлар ва таълим йўналишлари кесимидаги тақсимоти тасдиқланди.
“Ҳуқуқий ахборот” каналида эълон қилинган тақсимот жадваллари билан қуйидаги pdf форматдаги файллар орқали танишиш мумкин (мазкур квоталар эндиликда тиллар кесимида бўлиб чиқилади):
- Кундузги таълим – жами 77 477 та квота
- Сиртқи таълим – жами 26 095 та квота
- Кечки таълим – жами 3725 та квота
- Масофавий таълим – 3410 та квота
- Магистратура – 10 688 та
Жадвалларда молиявий мустақиллик берилган ОТМлар учун фақат грант ўрни кўрсатилган, улар тўлов-контракт квоталарини мустақил белгилайди.
Бу йил масофавий олий таълимга илк марта қабул бўлади. Бакалавриатнинг бу таълим шаклида кадр тайёрлаш қуйидаги 12та олийгоҳда бошланади:
