Сардор Рашидов Қатар клубига трансфер қилинди

«Пахтакор» яримҳимоячиси Сардор Рашидов фаолиятини Қатар Юлдузлар Лигасида давом эттирадиган бўлди.

Фото: Пахтакор ФК

Тошкент клуби расмий сайти хабарига кўра, ўтган мавсум Қатар чемпионатида 6-ўринни эгаллаган «Умм Салал» клуби Рашидовни ўз сафига қўшиб олган.

Сардор куни кеча Суперлига 12-тури доирасидаги «Қизилқум»га қарши Навоийдаги баҳсда (2:0) супергол муаллифига айланганди.

Маълумот учун, Сардор Рашидов жорий мавсум Суперлигада 7 ўйинда майдонга тушиб, битта гол муаллифига айланган. 31 ёшли ҳужумкор яримҳимоячи бунгача 2015-2017 йилларда Қатарнинг «Ал-Жаиш», 2019-2020 йилларда «Қатар СК» клуби шарафини ҳимоя қилган эди.