Президент Янги Ўзбекистон боғидаги ёшлар байрамига келди

Президент Шавкат Мирзиёев 30 июн – Ёшлар куни муносабати билан ташкил этилган тадбирларда иштирок этиш учун “Янги Ўзбекистон” боғига келди.

Фото: Президент матбуот хизмати

Давлат раҳбари боғда “Беш ташаббус” йўналишлари бўйича ташкил этилган павильонлар фаолияти билан танишди, ёшлар билан мулоқот қилди.

Ташриф давомида президент “Заковат” павильонида ҳам бўлиб, кўрсатув бошловчиси Абдурасул Абдуллаев, клуб билимдонлари, маҳаллалар ўртасидаги интеллектуал турнир ғолиби бўлган Самарқанд вилояти Пайариқ тумани Сорисув маҳалласи жамоаси, шунингдек журналист ва блогерлар ўртасида ўтган турнирнинг чемпион жамоаси – “Energy” аъзолари билан учрашди.