Германияда ўзбекистонлик ёшлар учун махсус таълим дастурлари йўлга қўйилади

Ўзбекистоннинг Франкфурт-Майн шаҳридаги Бош консулхонаси дипломатлари, Швейцариянинг Swiss Cham Asia ташкилоти ҳамда Singularity Academy институти раҳбарияти ўртасида бўлиб ўтган мулоқотда таълим, илм-фан ва сармоя соҳаларидаги ҳамкорлик истиқболлари кўриб чиқилди.

Учрашувда ўзбекистонлик иқтидорли ёшлар ва мутахассислар учун Германияда ёз мавсумида махсус ўқув курсларини ташкил этиш, уларнинг халқаро тажриба ва билимларини ошириш имкониятларини яратиш масалалари муҳокама қилинди.

Шунингдек, томонлар “Ўрта коридор” транспорт йўлагини илмий жиҳатдан ўрганиш, Ўзбекистонга сармоя жалб қилиш, соғлиқни сақлаш ва “яшил” энергетика соҳаларида қўшма лойиҳаларни амалга ошириш юзасидан фикр алмашди.

Музокаралар якунида эришилган келишувларни амалиётга татбиқ этиш бўйича аниқ механизмларни ишлаб чиқиш ва ҳамкорликни давом эттиришга келишиб олинди.