Қўшимча функционаллар
-
Тунги кўриниш
Исроил парламенти ўзини ўзи тарқатиб юборишга овоз берди
Исроилда яна парламент сайловлари бўлиб ўтади - охирги тўрт йил ичида бешинчиси. Бош вазир лавозими Нафтали Беннетдан либерал «Еш атид» партияси раҳбари Яир Лапидга ўтади.
Фото: Picture Alliance
Исроилда депутатлар парламентни тарқатиб юбориш учун овоз беришди ва бу тўрт йилдан камроқ вақт ичида бешинчи сайловларга йўл очиб берди. 30 июнь, пайшанба куни кнессетни тарқатиб юбориш тўғрисидаги қонун лойиҳасини қўллаб-қувватлаш учун 92 депутат овоз берди, қарши овозлар ҳам, бетарафлар ҳам бўлмади.
Янги сайловлар 1 ноябрга белгиланган. Исроилда саккиз партиядан иборат ҳукмрон коалиция ўтган ҳафта бошида тарқатиб юборилди. Исроил бош вазири Нафтали Беннет ярим тундан бошлаб ўз лавозимини либерал «Еш атид» партияси раҳбари, ташқи ишлар вазири Яир Лапидга топширади. Беннетт сайловда қатнашмаслигини эълон қилган.
Ўнг кучлар вакили Беннетт ва либерал Лапид ўтган июнь ойида тарихда биринчи марта Исроилнинг барча сиёсий партиялари, шу жумладан араб партиялари вакилларини ўз ичига олган ҳукмрон коалиция тузишга келишиб олдилар. Бундай коалицияга келишда Беннет ва Лапид биринчи навбатда Исроилни 12 йил давомида бошқарган бош вазир Бенямин Нетаняҳуни ағдаришни мақсад қилган.
Мавзуга оид
16:38 / 12.11.2024
Амстердамдаги можаро: аслида нималар бўлди?
09:46 / 12.11.2024
АДЛ ва ИҲТ Исроилни Ғазодан чиқиб кетишга чақирди
12:00 / 11.11.2024
Исроилнинг янги мудофаа вазири: «Ҳизбуллоҳ» мағлуб этиб бўлинди
10:45 / 09.11.2024