Қўшимча функционаллар
-
Тунги кўриниш
Путин Луҳанск областидаги жангларда қатнашган бўлинмаларга «дам олиш»ни буюрди
Россия мудофаа вазири Сергей Шойгу президент Владимир Путинга қуролли кучлар «махсус ҳарбий операцияни давом эттириши»ни билдирди.
Фото: Getty Images
Россия президенти Владимир Путин мудофаа вазири Сергей Шойгу билан учрашди. Шойгу учрашув чоғида Путинга «Луҳанск халқ республикаси озод этилгани» ҳақида ахборот берди.
Путин, ўз навбатида, Луҳанск йўналишидаги жангларда фаол қатнашган «Марказ» гуруҳи бўлинмаларига дам олишга буйруқ берди.
Путин шунингдек, «Марказ» гуруҳи қўмондони генерал-полковник Александр Лапин ва жанубий ҳарбий округ 8-армияси қўмондони ўринбосари генерал-майор Эседулла Абачевга «Россия қаҳрамони» унвони берилишини эълон қилди.
Шойгу қуролли кучлар «махсус ҳарбий операцияни давом эттириши»ни билдирди.
Россия мудофаа вазирлигининг маълумот беришича, Луҳанск йўналишида Украина томонидан 2218 киши ҳалок бўлган ва 3251 киши яраланган. Шу билан бирга, Шойгу Россия армиясининг йўқотишлари ҳақида Путинга маълумот бермади.
3 июл куни Россия қўшинлари Луҳанск областидаги охирги энг йирик шаҳар - Лисичанскни эгаллагани маълум қилинганди.
Россия-Украина уруши
Мавзуга оид
17:55
WSJ: Украина ўзининг баллистик ракетасини яратиш устида иш олиб бормоқда
17:53
АҚШ разведкаси Путиннинг хориждаги мухолифлари ўлдирилишига оид махфий ҳужжатларни қисман очиқлади
16:33
Меркел: Менда ҳеч қачон Путин бўйича иллюзиялар бўлмаган
13:12