Италия президенти мамлакат парламентини тарқатиб юбориш тўғрисидаги фармонни имзолади

Италияда баҳордан бери ҳукмрон коалиция ва вазирлар маҳкамаси орасидаги келишмовчиликлар сабабли ҳукумат инқирози давом этмоқда.

Фото: Italpress

Италия президенти Сержо Маттарелла мамлакат парламентининг ҳар икки палатаси билан муҳокамалардан сўнг уни тарқатиб юбориш тўғрисидаги фармонни имзолади.

«Республика президенти Сердо Маттарелла парламентнинг икки палатаси вакилларини тинглагач, республика сенати ва депутатлар палатасини тарқатиб юбориш тўғрисидаги фармонни имзолади»,— дейилади Италия президенти сайтидаги баёнотда.

Июл ўрталарида бош вазир Марио Драги истеъфога чиқиш тўғрисида ариза берганди, аммо президент унинг истеъфосини қабул қилмади.

20 июл куни Италия сенати бош вазирга ишонч билдирди, бироқ Драги эртаси куни яна истеъфога чиқишини билдирди. Маттарелла унинг истеъфосини қабул қилди.