Парламент Ўзбекистон давлат чегараси тўғрисидаги қонун лойиҳасини қабул қилди

Қонунчилик палатасининг навбатдаги мажлиси бўлиб ўтмоқда. Унда “Давлат чегараси тўғрисида”ги қонун лойиҳаси биринчи ўқишда кўриб чиқилди.

Фото: Kun.uz

Ҳуқуқни қўллаш амалиётида пайдо бўлаётган тушунмовчиликларни бартараф этиш, Ўзбекистон ҳудудидаги чегара режимида жисмоний ва юридик шахслар ҳуқуқлари ва мажбуриятларини қонун билан мустаҳкамлаш мақсадида илғор хорижий тажрибани инобатга олиб ҳамда замон талабларидан келиб чиққан ҳолда мазкур қонун лойиҳаси ишлаб чиқилди.

Таклиф этилаётган қонун лойиҳаси қабул қилиниши давлат чегарасини ишончли қўриқлаш ва ҳимоя қилишга хизмат қилади.

Баҳс-мунозаралар, савол-жавоблардан сўнг ушбу қонун лойиҳаси депутатлар томонидан қабул қилинди.