Берлин ғарбидаги ўқ-дорилар омборида портлаш содир бўлди
Ёнғин бир ярим гектар майдонни қамраб олган. Воқеа жойида 100дан ортиқ ўт ўчириш хизмати ва полиция ходимлари ишламоқда.
Берлин ғарбидаги Груневалд районида ўқ-дорилар ва пиротехника сақланаётган омборда портлаш содир бўлиши оқибатида кучли ёнғин келиб чиқди.
Хабар қилинишича, портлашлар давом этаётгани сабабли ўт ўчирувчилар ҳозирча ёнғинни ўчиришга киришишмади. Полиция вакилининг сўзларига кўра, портлаш сабаби аниқланмоқда.
Ёнғин бир ярим гектар майдонни қамраб олган. Воқеа жойида 100дан ортиқ ўт ўчириш хизмати ва полиция ходимлари ишламоқда.
Ёнғинни бартараф этиш учун бошқа хизматлар ва Германия қуролли кучларининг махсус бўлинмаларидан ёрдам сўралган.
Портлаш оқибатида яраланганлар ва ҳалок бўлганлар йўқлиги айтилмоқда.
Ғарбий йўналишдаги маҳаллий поездлар ҳаракати тўхтатилган.
Охирги кунларда Берлинда кучли жазирама ҳукм сурмоқда. Бу ёнғинлар содир бўлишига олиб келиши мумкин, деб ёзади dpa агентлиги.
Мавзуга оид
10:06 / 12.09.2024
Самарқандда газ портлаган «дом» аҳолиси эвакуация қилинмоқда
12:40 / 09.09.2024
Яшин Берлинда кузатувга тушгани ҳақида гапирди
12:05 / 03.09.2024
Германия ҳукумати: Берлин Киевни қўллаб-қувватлашдан бош тортмайди
20:52 / 30.08.2024