Тошкентнинг Сеул кўчасидаги бизнес марказ қурилишида ёнғин чиқди
5 август куни Тошкент шаҳар Чилонзор тумани Сеул кўчасида жойлашган, 12 қаватга мўлжалланган, қурилиши тугалланмаган бинода ёнғин содир бўлди.
Фавқулодда вазиятлар вазирлиги хабарига кўра, шаҳар ФВБга ёнғин ҳақида соат 18:23 да хабар келиб тушган. 4 та ёнғин-қутқарув экипажи ва 2 та автонарвон воқеа жойига соат 18:28 да етиб бориб, ёнғин соат 18:44 да ўчирилган.
“Дастлабки маълумотларга кўра, ёнғин натижасида бинонинг 2-қаватида 140 кв.м. майдонда қурилиш маҳсулотлари ёниб зарарланган.
Ёнғин оқибатида фуқароларнинг тан жароҳати олиш ва ҳалок бўлиш ҳолатлари йўқ.
Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда”, – дейилади хабарда.
Қўшимча қилинишича, ҳодиса жойига ФВБ раҳбарияти, ИИБ ва ССБ ходимлари етиб борган.
Мавзуга оид
18:58 / 19.09.2024
Тошкентда иссиқлик энергияси ва иссиқ сув тарифлари оширилади
19:38 / 18.09.2024
Тошкентда ўндан ортиқ автобус йўналиши вақтинча ўзгаради
18:31 / 18.09.2024
«Тошкент метрополитени» аҳолидан имкон қадар тезроқ ҳаракатланишни сўради
22:42 / 17.09.2024