Қирғизистонда КХШТнинг «Кобальт-2022» ҳарбий машғулотлари якунланди

Машғулотларда Россия, Беларус, Қозоғистон, Арманистон, Тожикистон ва Қирғизистон ҳарбийлари иштирок этди.

Фото: Anadolu Agency

Қирғизистонда КХШТнинг «Кобальт-2022» тактик-махсус ҳарбий машғулотлари ниҳоясига етди.

Машғулотларнинг якуний босқичи Қирғизистон мудофаа вазирлигининг «Эдельвейс» полигонида ўтказилди.

Машғулотларда Россия, Беларус, Қозоғистон, Арманистон, Тожикистон ва Қирғизистон ҳарбий контингентлари ва оператив гуруҳлари қатнашди.

Қатнашчилар жиноий тузилмалар, террорчи гуруҳларни қидириб топиш, тўхтатиш ва йўқ қилиш бўйича ўқув машғулотларини ўтказди.

Шунингдек, машғулотлар давомида гиёҳвандлик моддаларини ташиш каналларини тўсиш ва қурол-яроғ яширилган жойлар, гиёҳвандлик моддалари ишлаб чиқариш лабораторияларини топиш ва йўқ қилиш бўйича ҳам машқлар ўтказилди.

Тайёрлаган: Дилшод Аскаров

#Қирғизистон #КХШТ