Шавкат Мирзиёев Марказий Осиё давлатлари билан ҳамкорликни кенгайтириш масалаcи бўйича йиғилиш ўтказди

Президент Шавкат Мирзиёев 8 август куни Марказий Осиё давлатлари билан ҳамкорликни кенгайтириш масалалари бўйича йиғилиш ўтказди.

Фото: Президент матбуот хизмати

Билдирилишича, мамлакатнинг Марказий Осиё давлатлари билан дўстона ва ўзаро манфаатли алоқалари изчил ривожланиб бормоқда. Сўнгги беш йилда улар билан ташқи савдо ҳажми 2,5 баробарга кўпайиб, 6 млрд доллардан ошган. Республикада қўшни давлатлар капитали иштирокида 1 минг 700 та қўшма корхона очилган.

Йиғилишда Марказий Осиё давлатлари билан иқтисодий ҳамкорликни кенгайтиришга оид янги лойиҳа ва таклифлар кўриб чиқилди.

Мамлакатда кичик бизнесни янада ривожлантириш мақсадида ҳудудларнинг инвестицион жозибадорлиги миллий рейтингини ишлаб чиқиш тизими ҳам муҳокама қилинди.

Давлат раҳбари кўриб чиқилган масалалар бўйича аниқ топшириқлар берди.

#Марказий Осиё #Шавкат Мирзиёев