Қўшимча функционаллар
-
Тунги кўриниш
Ўзбекистон тирбандликларни бартараф этишда Сингапур тажрибасини йўлга қўйиши мумкин
Сингапур билан транспорт соҳасидаги ҳамкорлик алоқалари ривожлантирилади.
Фото: Транспорт вазирлиги ахборот хизмати
Ўзбекистон транспорт вазири ўринбосари Абдусамад Мўминов Сингапурнинг мамлакатдаги элчиси (қароргоҳи Сингапурда) Зулкифли бин Баҳаруддин билан учрашди.
Учрашувда Сингапур жамоат транспорти, таксилар фаолиятини тартибга солиш, йўллардаги тирбандликларни бартараф этиш ҳамда аэропортлар бошқаруви каби йўналишлардаги илғор тажрибасини ўрганиш юзасидан ҳамкорлик алоқаларини йўлга қўйиш бўйича фикр алмашилди.
Элчи мазкур масалада амалий ёрдам кўрсатишга ҳамда Сингапур ушбу йўналишда Ўзбекистон стратегик ҳамкорига айланишига ишонч билдирди.
Суҳбат давомида томонлар транспорт соҳасида рақамли технологиялар ва ечимларни жорий этишни жадаллаштириш муҳимлиги қайд этган ҳолда ушбу йўналишдаги ҳамкорликни фаоллаштиришга келишиб олди.
Учрашув якунида томонлар транспорт соҳасидаги ҳамкорлик алоқаларини янада ривожлантириш юзасидан келгусида амалга ошириладиган вазифаларни белгилаб олди.
Мавзуга оид
21:03 / 31.08.2024
Сингапурда эркак хотини билан ажрашиш учун унинг машинасига каннабис ташлаб қўйгани аниқланди
14:02 / 24.08.2024
Сингапур компанияси Ўзбекистонга тўғридан тўғри чартер рейсларини амалга оширмоқчи
09:21 / 25.07.2024
“Тил билиш муҳим, лекин унинг шунчаки восита эканлигини унутмаслик керак” – Сингапурда PhD ёқлаган ўзбек олими
11:29 / 13.07.2024