Ўзбекистонда хорижий капитал иштирокидаги корхоналарнинг аксарияти уч давлат ҳиссасига тўғри келяпти

2022 йил 1 август ҳолатига кўра, республикада хорижий капитал иштирокида фаолият кўрсатаётган корхоналар сони 14 546 тани ташкил этиб, ўтган йил шу даврига нисбатан 1 602 тага кўпайди.

Улар ҳудудлар кесимидаги кўриниши қуйидагича:

Тошкент шаҳри – 8 793 та;
Тошкент вилояти – 1 556 та;
Самарқанд вилояти – 682 та;
Сурхондарё вилояти – 600 та;
Фарғона вилояти – 554 та;
Андижон вилояти – 400 та;
Бухоро вилояти – 378 та;
Наманган вилояти – 306 та;
Навоий вилояти – 250 та;
Қашқадарё вилояти – 241 та;
Жиззах вилояти – 212 та;
Сирдарё вилояти – 210 та;
Хоразм вилояти – 185 та;
Қорақалпоғистон Республикаси – 179 та.

Ўзбекистон билан иқтисодий ҳамкорликда анъанавий равишда етакчи бўлиб келаётган давлатлар бу соҳада ҳам ана шундай ўринларни эгаллаб келмоқда: фаолият кўрсатаётган корхоналар аксарияти Россия (2705), Туркия (2050), Хитой (2036), Қозоғистон (1182) ва Жанубий Корея (906) капитали ҳиссасига тўғри келади.