Саудия Арабистони Ўзбекистонда дунёдаги энг йирик шамол электр станцияси қуришни режалаштирмоқда

Битимлар икки давлат ўртасида ёнилғи-энергетика комплексидаги ҳамкорликни ривожлантириш платформасига айланиши кўзда тутилган. Ўзбекистонда яшил водород секторини ривожлантириш бўйича ўзаро ҳамкорлик, Саудия томони инвестициялари кўзда тутилган.

Биринчи ҳужжат – ACWA Power компанияси томонидан Қорақалпоғистонда қуввати 1,5 ГВт бўлган шамол электр станциясини қуриш тўғрисида. Лойиҳа нафақат минтақада, балки бутун дунёдаги энг йирик шамол станциясига айланади. Шамол станцияси қуввати 1,65 млн хонадонни электр энергияси билан таъминлаш ва йилига 2,4 млн тонна углерод чиқиндилари чиқиши олдини олиш имкониятига эга бўлиши режалаштирилган.

ACWA Power and Air Products компанияси билан Ўзбекистонда яшил водородни илмий-тадқиқот ва тажриба-конструкторлик ишларини ривожлантириш ва кейинчалик ишлаб чиқаришга йўналтирилган иккинчи ҳамкорлик шартномаси имзоланди.

Саудия томонининг Ўзбекистон энергетика комплексига яқин 5 йилда 10 млрд доллар сармоя киритиш ниятини билдирувчи ҳужжат имзоланди. Унинг доирасида қатор истиқболли йўналишларда лойиҳаларни амалга ошириш режалаштирилган. Улар орасида:

• қайта тикланадиган энергетика соҳасида ҳамкорликни давом эттириш - шамол ва қуёш энергиясига асосланган ишлаб чиқариш, электр энергиясини ишлаб чиқариш учун қуёш энергияси концентрланган лойиҳалари;
• табиий газдан ёқилғи сифатида фойдаланиладиган ишлаб чиқариш лойиҳалари, газ турбиналари асосидаги эстродиол электр станциялари бўйича ҳамкорликни ривожлантириш;
• тармоқ барқарорлигини таъминлаш учун электр энергиясини сақлаш ва тўплаш энг замонавий технологияларидан фойдаланишга қаратилган лойиҳалар, гидроэлектр станциялари негизида сақлаш станциялари учун;
• энергетика соҳасида қўлланиладиган асбоб-ускуналар, эҳтиёт қисмлар ва хизматлар ишлаб чиқаришни маҳаллийлаштириш, кадрлар салоҳиятини ошириш ва қўшма илмий ишланмалар соҳасида ҳамкорлик.